Síðani einaferð tíðliga í summar hevur sambindingarvegurin millum Blómubrekku og Villingardalsvegin verið stongdur, tí arbeitt hevur verið uppá fjarhitarørini, sum liggja í vegnum, og samstundis hevur man gjørt tillagingar í svinginum á vegnum, sum hevur verið mett at vera ov krapt.
Fjarhitin fylt mest
Sambært Hans Nielsen, býarverkfrøðingi, so kann væntast, at vegurin verður latin upp í morgin.
- Tað verður liðugt í morgin, er tað seinasta, sum eg havi fingið at vita. Tað hevur verið ein avbjóðing við asfaltinum, men sum eg havi fingið at vita, so verður asfalterað fyrrapartin í morgin, og so verður latið upp seinnapartin, sigur Hans Nielsen, býarverkfrøðingur.
Hann greiðir frá, at størsti parturin av arbeiðnum hevur snúð seg um fjarhitan.
- Fjarhitafelagið hevur lagt nýggj rør, og so hava vit nýtt høvi til at broytt svingið, meðan vegurin hevur verið stongdur, sigur Hans Nielsen.
