Í dag er svenskur tjóðardagur – sum tey áður hildu sum svenskan flaggdag. Dagurin verður hildin sum halgidagur.
Tjóðardagurin er til minnis um tann dagin, tá Gustav Vasa varð valdur til svenskan kong í 1523 – og Svøríki gjørdist sjálvstøðugt land, og um stjórnarskipanina frá 1809 (sum var í gildi fram til 1974). Hesar hendingar fóru báðar fram 6. juni.
Fyrr var 6. juni bara hildin sum »svenska flaggans dag«, og tað var ikki fyrr enn í 1983, at dagurin fekk støðu sum tjóðardagur. Síðani 2005 hevur tjóðardagurin verið halgidagur.
Norðurlendsku tjóðardagarnari eru:
Noreg 17. mai
Danmark 5. juni
Svøríki 6. juni
Åland 9. juni
Ísland 17. juni
Grønland 21. juni
Føroyar 29. juli
Finnland 6. desember
