Komandi vikuskiftið vitja Sveinur Gaard Olsen og Kristel Lisberg heima í Føroyum. Tey koma heim fyri at verða við stórari live-sending hjá Rás2, og tey fara millum annað at framføra nakrar sangir.
Nýggj X-Factor kapping er í gongd í Danmark, og aftur hesaferð eru føroyskir sangarar millum profilarnar í kappingini.
Sveinur Gaard Olsen og Kristel Lisberg hava veruliga gjørt vart við seg í kappingini higartil, og tveir aðrir sangarar fyri føroyskum ættarbondum hava eisini verið sæð í kappingini.
Komandi vikuskifti vitja Sveinur Gaard Olsen og Kristel Lisberg heima í Føroyum. Tey verða við í sendingini Hvonn Live, sum Rás2 sendir beinleiðis av Hvonn í Havn leygarkvøldið 28. januar.
Sveinur og Kristel fara at greiða frá sínum upplivingum í X-Factor, og tey fara eisini at framføra nakrar sangir live.
