Svartkjaftur til minkafóður

Hetta er tíðin, tá svart­kjafturin plagar at ferðast úr før­oyskum sjógvi og suður í ES-sjógv.
- Hetta er vanlig gongd, og vanliga kann svartkjaftur fisk­ast í føroyskum sjógvi til út í endan av januar og kans­ka eina viku ella so inn í febr­uar.
Tað sigur Dávid Jacobsen hjá Varðanum í Gøtu.
Hann veit eisini at siga, at svartkjafturin kemur norð­ur yvir aftur í seinnu helvt av apríl, og tá plagar fiski­skap­ur­in at taka seg upp aftur í før­oysk­um sjógvi.

9000 tons
Í síðstu viku, tá Sosialurin tosaði við Dávid Jacobsen, visti hann at siga, at tey trý skipini hjá felagnum, sum hava svartkjaftakvotu, Finn­ur Fríði, Tróndur í Gøtu og Jupiter, hava seinastu tíðina roynt á Munkagrunninum.
- Skipini hava gjørt umleið tveir túrar í part í januar og hava lagt veiðina upp til Varðan Pelagic á Tvøroyri. Svart­kjafturin verður seldur av landinum til minkafóður.
Dávid Jacobsen sigur, at skip­ini hava havt umleið 1500 tons hvønn túrin og hava soleiðis fiskað eini 9000 tons av svartkjafti tilsamans higar­til í ár.