Johan Mortensen, valevni hja Tjóðveldi
---------
Áhugin fyri filmi er sera nógv vaksandi og longu nú síggja vit talent sum Heiðrik av Heygum, Sakaris F. Stórá og Anton Petersen gera seg galdandi. Sera spennandi verður tann 11. desember, tá ein rúgva av nýggjum stuttfilmum hava frumframførslu í Norðurlandahúsinum og heiðurslønir verða givnir.
Tað er mín vón at 11. desember fer at verða byrjanin til eitt Havnar Oscar tiltak og vónandi leggur støði til ein altjóða Filmfestival í Havn. Umframt tað listaligu upplivingina hevur ein Filmfestivalur stóran fíggjarligan týdning fyri ferðamannavinnuna.
Komi eg í býráðið, vil eg arbeiða fyri at bæði Klippfisk og filmslistin fær munandi betri umstøður at arbeiða undir. Partur av Tórshavnar Kommunuskúla eigur at verða latin til filmsvinnuna.
Eg gleði meg til 11. desember, til Svarta Deyða og til nógvar nýggjar føroyskar filmar.
