Fríggjadagin kemur út fløgan Sundaløg, har 12 ymiskir sangskrivarar úr økinum seta sín dám á løg og orð.
Fløguverkætlanin byggir á tær skapandi kreftirnar hjá sangskrivarum og tónleikarum, ið allir hava tilknýti til bygdirnar í Sundalagnum allan vegi av Eiði til og úr Tjørnuvík til Kollafjarðar.
- Henda útgávan varpar ljós á einstakar sangskrivarar og sangarar, og lýsir Sundalagið úr einum fjølbroyttum samtíðarsøguligum og mentanarligum sjónarhorni, verður sagt.
Millum sangskrivararnar á fløguni kunnu nevnast Jens Marni Hansen, Signar í Homrum, Ragnar í Vík, Nicolina av Kamarinum og Magnus á Stongum. Fleiri enn 30 tónleikarar og sangarar eru við á fløguni.
Tað er sound.fo ið gevur fløguna út.
