Í Sundalagnum ein sólskinsdag, tá komið er út á várið. Soleiðis ljóðar ein av vøkru sangum okkara og nú verður tikið enn eitt stig til at tryggja, at tað framvegis skal verða vakurt í Sundalagnum.
Júst at tryggja, at tað framvegis verður vakurt og frítt í Sundalagnum, hevur Umhvørvisnevndin í Sunda kommunu enn einaferð sett út í kortið at hava tann árliga rudingardagin.
Á fundi í farnu viku varð avgjørt at hava ruddingardagin í ár tann 12. Mai sum er ein leygardagur.
Í hesum sambandi mælir nevndin til at kommunan letur trø til borgararnar í hesum sambandi.
Nevnast kann, at Umhvørvisnevndin á sama fundi mælti til at hava eitt fríðkanarátak. Veljast skal nú ein dómsnevnd og at kappingarnevnini verða trý í tali urtagarðar, neyst og vinnuøki.
Á fundi í býráðnum í kvøld fer býráðið uttan iva at fylgja hesum báðum uppskotunum.
