Býráðið í Sunda kommunu hevur samtykti einmælt fíggjarætlanina fyri 2024.
- Við 1. viðgerð hin 30. oktokber samtykti býráðið einmælt at lækka kommunuskattin við 0,55% stigum - úr 21,5% og niður í 20,95%.
Í Sunda kommunu siga tey, at býráðið eisini hevur samtykt íløgur fyri 2024 á 46,6 miljónir krónur, og íløgurnar fevna víða um í kommununi.
- Størsta íløgan er til útstykkingar, har útstykking við 27 grundstykkjum á Oyrarbakka er farin í gongd, samstundis sum gongd er sett á afturtøku av grundstykkjum í allari kommununi.
Onnur arbeiði og verkætlanir, sum eru raðfestar í Sunda kommunu fyri 2024 eru hesar:
* Brúgv um Stórá millum Hvalvík og Streymnes
* Økt viðlíkahald av kommunalum vegum
* Vatnveiting í Hósvík
* Spillvatnsskipan í Tjørnuvík og Saksun
* Vetrarfriðing í Haldórsvík og Langasandi
* Grøna orkuskiftið, upphiting og løðistøðir
* Kirkjugarðar við Norðskála og í Hósvík
* Skúlin á Langasandi
* Trivnaðarøkið, stuðul til ítrótt og ljósseting
* Vinnuøkið í Hvalvík, Ferðavinna og almenn wc
* Umvæling av Mørkini í Streymnesi
* Náttúrulundina við Streymin og viðarlundina í Hvalvík
* Umframt annað viðlíkahaldsarbeiði á kommunalar bygningar og ítróttarøkið.
- Kommunan er væl fyri fíggjarliga, og skuldin er í dag umleið eina fjórðings álíkning. Við nevndu íløgum verður roknað við, at skuldin verður knappliga hálva álíkning, siga tey í Sunda kommunu í dag.
