Nú leiðandi rentan er hækkað, hevur Suðuroyar Sparikassi eisini gjørt av at hækka rentuna eitt fjórðings prosentstig Mikudagin tann hækkaði Europiski Meginbankin, ECB, ta leiðandi rentuna við 0,25 prosentstigum. Eftir hetta boðaði danski Tjóðbankin frá, at eisini hann hækkaði rentuna við virknaði frá 7. juni 2007, við hesu hækking er diskontan nú komin upp á 4,00 prosent.
Suðuroyar Sparikassi tillagar nú rentuna altjóða rentuni, soleiðis at Bústaðarlán, við lægstu rentu, nú er 5,75 prosent p.a.
Eitt nú verður hægsta rentan á 12 mðr. uppsøgn 4,50 prosent p.a. Og rentan á eftirlønarkonto 4,75 prosent p.a.
Rentan á vanligum innláni uttan uppsøgn verður óbroytt.
