Studningurin verður tann sami!

Hanus Samró, Løgtingsmaður fyri fólkaflokkin
--------------

Í dag frættust tíðindi um, at studningurin til les­andi verður skorin við 800.000 kr.. Orsøkin er, at lands­bóka­savnið vil talgilda gomlu bløðini. Av tí, at sam­gong­an heldur fast um, at útreiðslurnar skulu vera út­reiðsluneutralar, hevur fíggjar­nevndini funnið peng­arnar hjá Studna, sum rindar studningin hjá les­andi. Nú standa lesandi púr­asta spyrjandi. Merkir broyt­ingin, at studningurin verður lækkaður? Fáa tey færri peng­ar um mánaðin?


Svarið er nei
Broytingin ávirkar ikki studn­ingin. Heldur ikki kom­andi ár. Ella árið eftir tað. Broytingin kemur ikki at ávirka lesandi uppá nakran sum helst máta. Spuringurin er, hví skerir fíggjarnevndin játtanina.
Svarið er ógvuliga einfalt:
Studni metir á hvørjum ári, hvussu nógvir næmingar verða tiknir inn. Út frá hesum verður mett, hvussu nógv fáa studning. Í ár eru tað færri næmingar, ið fáa studning, enn Studni metti.
Tískil hava teir “avlop” á 800.000 kr.

Ávirkast játtanin í 2013?
Tað var mín fyrsti spurningur. Merkir broytingin, at játtanin til Studna verður 800.000 kr. minni í 2013?
Svarið er eisini nei.
Broytingin hevur við sær, at 800.000 kr. verða flutt­ar frá kontoini hjá Studna til kontoina hjá Lands­bóka­savninum. Ein einstøk flyting við einstakari upphædd. Tískil verður játtanin hjá Studna akkurát tann sama í 2013, sum hon var í 2012. Íroknað hesar 800.000 krónurnar.
Sama er galdandi fyri lands­bókasavnið. Játtanin verð­ur akkurát tann sama í 2013, sum hon var í 2012. Uttan hesar 800.000 krónurnar.
Sostatt verður studningurin til lesandi tann sami.