Tað er ART / Spren Rex, sum skipar fyri hesum tiltøkum til tess at fyrireika framførslurnar hjá fleiri av bólkunum á G Festivalinum.
Her er talan um tað nýggjasta og mest spennandi innan føroyskan rokktónleik.
The Dreams eru ávegis upp eftir tindunum m.a. í MTV.Men fyrstu stig teirra vóru sjálvandi í rokkmidepli Føroya í Magnus Heinasonargøtu í Havn.Við teirra glaða upptempo slagi av punki ætla teir at seta dám á konsertirnar.
Paradox nokk kendasti ungpunkbólkurin í landinum verða eisini við og teir fara at skrúva frá soleiðis, at onki eyga er turt.
Synerchy fara við sínum villu tónum og melodiska Gothic rokk at skapa sín egna stemning.
The Headliners eru einasti bólkur enn, sum blandar D J og rokk, í einum sera spennandi blandi, sum rokkar totalt.
The story ends, sum hevur sín heilt egna stíl, skal og má upplivast.
Fake it er ein spildurnýggjur gentubólkur, sum traðkar á pallin fyri fyrstu ferð.
Three Colours er ein nokk so nýggjur regeabólkur, sum fær dansigólvið at brenna.
Øll tey, sum keða seg í Havn hesi bæði kvøldini, eiga at hyggja framvið Margarinfabrikkina. Tí har er tað einasta staðið í Føroyum, har originalur Føroyskur framtíðartónleikur verður framførdur.
So ver við til at stuðla Rokkinum og øllum hinum við at koma til konsertirnar Fríggjakvøldið og Leygarkvøldið.
