Tá ið 07 Vestur í 2. umfari vann sannførandi 4-1 heimasigur á TB, luktaði tað av uppreisn eftir 4-0 tapið í fyrsta umfari í Streymnesi. Síðani sigurin á TB hevur 07 Vestur spælt sjey ferðir í landskappingini, uttan at tað hevur eydnast at vinna.
Stóri heimasigurin á 07 Vestur í fyrsta umfari bendi á, at meistararnir í EB/Streymi vóru væl fyri. Síðani gekk tað leingi illa. Nú hevur gingið sum eftir ánni. EB/Streymur hevur vunnið tvær tær seinastu ferðirnar í landskappingini og kvalifiserað seg til hálvfinaluna í steypakappingini uttan at nakað mál er farið ígjøgnum.
Í báðum legunum – í Vágum og í Sundalagnum – verður sagt, at allir spælararnir eru tøkir.
