– Vit vilja ikki endiliga kalla hann gamlan, men í fótbóltshøpi hevur hann royndir. Í 07 Vestur høpi er hann ein av teimum royndastu lokalu leikarunum. Hann beit seg fastan á liðið á ungum aldri og hevur líka síðani verið ein av stammuni á liði okkara.
Soleiðis skrivar 07 Vestur.
Hann hevur leikt 57 dystir í Betri deildini, 35 í 1. deild og 41 dystir í 2. deild.
– Tí frøir tað okkum ótrúliga nógv at fáa boðini sum nýggjársgávu, at Teitur Olsen tekur eitt tørn afturat við 07 Vestur.
