- Net fer nú at grava kaðalveitir eftir vegunum á Strondum til at leggja fiburkaðlar í.
Tað siga tey í Sjóvar kommunu í dag.
Á heimasíðuni hjá kommununi - www.sjovar.fo - sæst kort, sum vísir, hvar grivið verður.
Fiburnet verður síðani lagt inn í øll hús á Strondum.
- Fólk frá Net koma næstu mánaðirnar at spyrja í øllum húsum, hvar kaðalin skal leggjast inn í húsini.
Lagt verður aftrat, at tá arbeiðið er liðugt, verður koparnetið, sum verður brúkt í dag, tikið úr brúk, og fiburnetið tekur yvir.
Arbeiðið kemur at taka nakrar mánaðir.
Í Sjóvar kommunu heita tey á ferðandi um at vísa atlit til tey sum gera arbeiði og at koyra varliga.
##med2##
