Seinastu 12 árini hava Náttarravnarnir havt ein týðandi leiklut við at økja
um tryggleikan í náttarlívinum fyri ung í Norðurlondum. Í løtuni hava
Náttarravnarnir feløg í Tórshavn, Grønlandi, Danmark, Noregi og Svøríki. Og nú er ætlanin at stovna enn eitt slíkt felag í Suðuroy.
Tað hevur víst seg, at har sum Náttarravnarnir eru til staðar í
náttarlívinum, saman við jaligum tosi við tey ungu, hevur víst seg at minka
um herverk, harðskap og annað við omanfyri 50%.
Tað er Niels Hammer, ið saman við Náttarravnunum
í Danmark, sum ætlar at fáa Náttarravnarnir ígongd í Suðuroy, og fyrireikingarnir eru
komnar væl áleiðis, at eitt felag nú kann stovnast.
Fríggjadagin klokkan 17.00 verður ein kunnandi fundur í
Skúladeplinum í Hovi í hesum sambandi. Á fundinum verður danski Náttarravnar vegleiðarin
Dan Taxbøl. Hann fer, saman við Niels Hammer, at greiða frá Náttarravnar
arbeiðinum, so áhugaði fáa innlit í, hvussu Náttarravnarnir kunnu økja um
tryggleikan í náttarlívinum í Suðuroynni.
Leygardagin verður skeið fyri teimum, ið vilja luttaka sum náttarravnur. Áðrenn skeiðið byrjar, verður Náttarravnarfelagið í Suðuroynni stovnað.
