Stovna ferðavinnufelag

Ein arbeiðsbólkur við umboðum innan føroysku ferðavinnuna er saman við Vinnuhúsinum í gongd við fyrireikingarnar til stovnan av einum vinnufelagið fyri føroysku ferðavinnuna

Vinnuhúsið skrivar á heimasíðu sínari, at endamálið við felagnum er m.a. at fáa eina felags rødd fyri føroysku ferðavinnuna. Harumframt er ætlanin, at felagið skal virka fyri einum felags forum fyri ferðavinnuna, førleikamenning, betring av vinnumøguleikunum, samskipan av marknaðarføring, menning av góðsku- og umhvørvistilvitan og mangt annað.