Traditiónsríka enska steypakappingin, FA Cup, sum á hvørjum árið bjóðar uppá fleiri óvæntaði úrslit, fór í gjárkvøldið av bakkastokki.
Og longu í fyrsta dystinum kom fyrsta prógvið uppá, at tey minnu liðini kunnu arga tey størru. Exeter City sum dagliga spælir í fjórðbestu ensku deildini, tók á heimavølli móti Liverpool, sum er millum størstu feløgini í Onglandi. Dysturin endaði við 2-2 javnleiki, men báðu ferðirnar var heimaliðið Exeter á odda. Umdystur skal sostatt spælast á Anfield Road um gott og væl tíggju dagar.
Og í dag bjóðar FA Cup uppá fleiri spennandi uppgerðir. Sæð við Premier League brillum eru mest spennandi uppgerðirnar millum Arsenal-Sunderland, Norwich-Manchester City, Southampton-Crystal Palace og Watford-Newcastle. Tað eru alt uppgerðir millum lið sum dagliga spæla á sama støðið, og sum lættliga kunnu fara báðar vegir.
Manchester United skal eisini í eldin í dag, men teir mugu metast sum størri favorittar, tá teir á heimavølli taka ímóti Sheffield United, sum dagliga heldur til í triðbestu ensku deildini.
Dystirnir sum vera leiktir í FA Cup í dag eru hesir:
Wycombe – Aston Villa (Byrjar 12:45 og verður vístur á Kanal 6)
Arsenal-Sunderland (Byrjar 15:00 og verður vístur á Kanal 6)
Birmingham – Bournemouth
Brentford – Walsall
Bury – Bradford
Colchester – Charlton
Doncaster – Stoke
Eastleigh – Bolton
Everton – Dag & Red
Hartlepool – Derby
Huddersfield – Reading
Hull – Brighton
Leeds – Rotherdam
Middlesbrough – Burnley
Newport – Blackburn
Northampton – MK Dons
Norwich – Manchester City
Nottingham Forest – Queens Park Rangers
Peterborough – Preston
Sheffield Wednesday – Fulham
Watford – Newcastle
West Bromwich – Bristol City
West Ham – Wolves
Manchester United – Sheffield United (Byrjar 17:30 og verður vístur á Kanal 6)
