Í gjár klokkan 15 byrjaði skeiðið í bøting av troli og spleysing í Skopun.
- Undirtøkan var góð, og skeiðið var fullsett eftir fáum tímum, siga tey í Skopunar kommunu.
Tað vóru Johnny Vestergaard, Schønning Hentze og Friðfinn Nicolajsen, sum stóðu fyri hugskotinum um trolbøting og spleysing.
- Eisini komu Petur Hans og Ólavur á gátt. Teir spardu seg ikki, men tóku gleðiliga eina hond í við teimum ungu.
Tiltakið byrjaði í Skopunar skúla, har luttakararnir fingu undirvísing á stórskíggja.
##med2##
- Síðan varð farið niðan í hølini hjá Skopunar Sløkkiliði at bøta og speysa.
Sagt verður úr Skopun, at her vóru menn í øllum aldri, og vóru teir allir líka ágrýtnir at læra frá sær.
- Í steðginum bjóðaði Skopunar kommuna kaffi, te og okkurt gott undir góman, verður lagt aftrat.
##med3##
