Áleyparin hjá Leicester City, Jamie Vardy er ein eftirtraktaður spælari aftaná góðu avrikini í hesum kappingarárinum, og liggja bæði Chelsea og Manchester United framvið fyri at fáa Jamie Vardy til sín hóp.
Í Leicester ætla tey tó at gera nakað munagott fyri at halda Jamie Vardy í felagnum.
Leiðslan í Leicester City ætlar at tvífalda lønina hjá Jamie Vardy. Í løtuni fær Jamie Vardy 400.000 krónur í løn um vikuna, og fyri at halda hann í felagnum, so hann framvegis kann skjóta nógv mál fyri Leicester, so ætlar Leicester at bjóða Jamie Vardy 800.000 krónur í løn um vikuna.
Jamie Vardy hevur framvegis hálvttriðja ár eftir av sáttmála sínum við Leicester City, so um eitt annað felag ætlar at keypa hann leysan av sáttmálanum, so kemur tað at kosta nógv.
Jamie Vardy hevur higartil skotið 15 mál fyri Leicester City í Premier League hetta kappingarárið.
