Tað verður tætt millum tingfundirnar næstu vikuna. Tingfundir eru ásettir at vera mánadagin, týsdagin, mikudagin og fríggjadagin. Fríggjadagin verður aðalorðaskiftið um Heilsunýskipanina, sum landsstýrismaðurin í heilsumálum Karsten Hansen arbeiðir við. Á tingfundinum týsdagin leggur landsstýrismaðurin frágreiðingina fram, sum skal umrøðast fríggjadagin.
Mikudagin eru munnligir fyrispurningar á dagsskrá, og í morgin eru umframt framløgu sjey mál á skránni:
1) Atkvøðugreiðsla um skrivligan fyrispurning nr. 13/2013 til Karsten Hansen, landsstýrismann frá Sirið Stenberg, løgtingskvinnu, viðvíkjandi framtíðarætlanir á psykiatriska økinum.
2) 1. viðgerð: Uppskot til samtyktar um upptøku í ALS eftir loknan lestur
Málið verður beint í Vinnunevndina.
3) 1. viðgerð: Uppskot til løgtingslóg um broyting í løgtingslóg um landsskatt og kommunuskatt (Skattalógin) (Hækkað barnagjald).
4) 1. viðgerð: Uppskot til løgtingslóg um broyting í lóg um mál og málsøki føroyskra myndugleika at yvirtaka (at taka fult ræði á uttanríkis-, trygdar og verjumálum)
Málið verður beint í Uttanlandsnevndina.
5) Skrivligur fyrispurningur: Svar uppá skrivligan fyrispurningan nr. S-6/2013 til Anniku Olsen, landsstýriskvinnu, frá Helga Abrahamsen, løgtingsmanni, viðvíkjandi stuðli til bygging av eldrasambýli í Sjóvar kommunu.
6) Skrivligur fyrispurningur: Svar uppá skrivligan fyrispurning nr. S-7/2013 til Johan Dahl, landsstýrismann, frá Vinjard Johansen, løgtingsmanni, viðvíkjandi møguligum broytingum í barsilsskipanini.
7) Skrivligur fyrispurningur: Svar uppá skrivligan fyrispurning nr. S-8/2013 til Johan Dahl, landsstýrismann, frá Gerhardi Lognberg, løgtingsmanni, viðvíkjandi nýggjari Skúvoyarferju.
