Í nátt varð ein bilur stolin á Skála.
Eigarin ringdi til løgregluna í morgun og boðaði frá, at bilurin er stolin einaferð í nátt.
Løgreglan hevur leitað eftir bilinum víðahvar og út á fyrrapartin varð hann afturfunnin á einum parkeringsplássi á Skálatrøð í Havn.
Bilurin hevði ongan skaða fingið.
Løgreglan sigur, at lyklarnir vóru í bilinum.
Tað er næstan hvøra ferð, at ein bilur verður stolin, at lyklarnir sita í, ella liggja í handskarúminum, ella onkra aðrastaðni í bilinum, sigur løgreglan.
Tað er ikki lógligt at lata lyklarnir liggja í bilinum og tað kostar eina bót til eigaran.
Annars hevur tað verið stak friðarligt um vikuskiftið, sigur løgreglan.
