Í gjárkvøldið ringdi telefonin hjá løgregluni og fráboðað var ein heldur óvanlig hending í Føroyum.
Á Viðareiði hevur onkur brotið inn í eitt hús og sambært húsfólkinum stolið nógvar pengar.
Vakthavandi á løgreglustøðini veit ikki so nógv um málið enn, tí kriminaldeildin hjá løgregluni er farin til Viðareiðis at kanna hendingina í morgun, og tí verður einki at frætta fyrr enn seinnapartin.
Seinastu vikurnar hava vit hoyrt um fleiri tilburðir við stuldri av smærri og størri slag.
Vakthavandi á løgreglustøðini váttar, at tað er ein vaksandi trupulleiki, at fólk bróta inn og stjala her heima í Føroyum. Hvør orsøkin er, er ilt at siga, sigur vakthavandi.
Meira um málið seinni í dag.
