Tað var um 14 tíðina í gjár, at boðað varð løgregluni frá, at ein maður hevur stolið vørur í einum handli í Havn.
Talan var um ein mann, sum var farin at prøva tvær t-shirts. Men í staðin fyri at gjalda ella lata vørurnar aftur, fór viðkomandi avstað við vørunum.
Maður slapp til rýmingar, og løgreglan hevur ikki funnið mannin, men arbeiðir við málinum, sigur vaktleiðarin á politistøðini í Havn.
Løgreglan mátti eisini upp í leikin, tá ein maður var sera uppfarandi í eini kiosk í Havn í gjár. Løgreglan kom á staðið, og tað endaði við, at maðurin varð tvangsinnlagdur, tí honum tørvaði sálarliga viðgerð og hjálp.
