Hendan samgongan hevur boðað frá, at flaggdagin æsta ár verður fólkaatkvøða um nýggju stjórarskipanina.
Í dag verður uppskotið sent til almenna hoyring, so øll kunnu gera viðmerkingar til uppskotið.
Men fyri at uppskotið kann fara til fólkaatkvøðu, so skal tað samtykkjast í tinginum í seinasta lagi 25.oktober. Ivast hevur verið í, um hetta fer at lata seg gera, men løgmaður helt í dag fast við, at fólkatkvøðan verður flaggdagin næsta ár.
Í røðuni í dag undirstrikaði løgmaður, at stjórnarskipanin ikki er eitt samgongumál, men at hetta er eitt mál fyri alt Løgtingið og fyri alt Føroya fólk.
