Tað verða tveir nýggir leikarar at síggja á Stjørnu-liðnum í vetur. Talan er um ein málverja og ein vinstra bakk, og báðir leikarar eru komnir til landið og eru byrjaðir at venja við Stjørnuni.
Tað skrivar Norðlýsið.
Málverjin er norsk og eitur Elisabeth Bergvin. Hon vardi málið hjá Randheim, har Svein Rógvi Nielsen Ljósstein var venjari. Vinstri bakkurin kemur úr Serbia og eitur Ema Bezanovic, og sagt verður um hana, at hon er ein leikari við góðum sansi fyri spælinum og er hartil kvik.
Myndina av teimum báðum leikarunum hevur Norðlýsið tikið.
