Senegalska innrásin í TB er minkað við einum triðingi, eftir at tað í dag er greitt, at Joseph Bassene ikki verður eina partur av hópinum hjá TB komandi kappingarár.
Miðvallarin vann steypakappingina við Víkingi farna kappingarár, og hevur verið ein partur av hópinum hjá TB í uppstartinum til komandi kappingarár.
- Hetta var ikki akkurát tað vit leitaðu eftir og tí hava vit valt at enda samstarvið, sigur Andre Dalfoss, formaður í TB, sum váttar tíðindini.
TB boðaði annars frá stutt eftir ársskiftið, at Joseph Bassene skuldi verða ein partur av hópinum.
Av Tvøroyari skilst, at tey hava góðar vónir til ungu spælararnar, men at tað ikki er óhugsandi, at onkur einkultur spælari kemur afturat, um talan er um røttu loysnina.
