Fýra lið fara í kvøld at veittra ársins útgávu av kappingini um Løgmanssteypið farvæl. Fjórðingsfinalurnar verða avgreiddar í kvøld. Víkingur og B68 spæla í Norðagøtu. Víkingur snávaði um vikuskiftið, tá liðið fekk bara eitt stig burtur úr heimadystinum móti 07 Vestur. Víkingarnir ætlar sær uppreisn móti toftamonnum, sum vunnu 5-0 á Sandi um vikuskiftið.
NSÍ og EB/Streymur spæla í Runavík. Runavíkingar og sundalagsmenn eru millum teir fremstu á stigatalvuni í Vodafonedeildini. Nú má røkka ella støkka. Annað hvørt NSÍ ella EB/Streymur sleppa ikki at spæla hálvfinalurnar.
ÍF hevur lættastu uppgávuna á pappírinum. AB, sum spælir í næstbestu deildini, vitjar í Fuglafirði. Fuglfirðingar vunnu 3-0 á HB fríggjakvøldið, og argjamenn taptu fyri næstbesta liðnum hjá HB um vikuskiftið.
Uppflytararnir 07 Vestur og KÍ spæla í Sørvági.
Dystirnir í kvøld:
Klokkan 18.00: Víkingur ? B68
Klokkan 18.00: NSÍ ? EB/Streymur
Klokkan 18.30: ÍF ? AB
Klokkan 19.00: 07 Vestur - KÍ
