Hetta felagið fer eisini at gera vart við seg um vikuskiftið - bæði á vølli og uttanfyri vøllin.
Í fyrsta lagi er talan um ein dyst í Formula-kappingini leygarkvøldið. Tá hittast tvey lið í hvør sínum enda á stigatalvuni - EB/Streymur og KÍ.
Umframt tey trý stigini sum standa uppá spæl í dystinum, verður eisini spælt um eitt steyp til ognar.
Sunnudagin kl. 15, tá dystir vanliga verða leiktir, verður eingin dystur. Hinvegin fer ein hending fram á vøllinum, sum fer at verða fótbóltinum at gagni í framtíðini.
Tá fer nevniliga borgarstjórin, Heðin Zachariasen at handa fótbóltsfelagnum nýggja felagshúsið við vøllin,
Í hesum sambandi fer hann sjálvur og Asbjørn Djurhuus, formaður í trivnaðarnevndini í Sunda kommunu at halda røðu.
Hetta tiltakið endar kl. 18.
