Stevnu­marran hjá KÍ heldur fram

Munurin millum bestu og næst­bestu fótbóltsdeildina tykist at vaksa. Tað er aftur undirstrikað í hesi vikuni.
Tey trý fremstu í næstbestu deild­ini hava øll spælt í fyrrakvøldið ella í gjárkvøldið. Felags fyri tey øll var, at tey hittu næstbesta liðið hjá felag, sum eisini er umboðað í bestu deildini, og felags er eisini, at einki av teimum trimum bestu í næstbestu deildini megnaði at vin­na á eykaliðunum hjá Voda­fone­fe­løg­um.
Í gjárkvøldið tapti 1. deildarliðið hjá KÍ greitt 2-4 ímóti eykaliðnum hjá Vìkingi á heimavølli. Støðan í hálvleikinum var 0-3, og eitt skiftið var Víkingur á odda 4-0.
Sigast skal tó, at Finnur Justinussen var við á eykaliðnum hjá Vìkingi, og hann gjørdi veru­ligan mun við tveimum málum í gjárkvøldið.
Í fyrra hálvleiki skoraði Vík­ing­ur trý mál uppá fimm minuttir. Dánjal Pauli Lervig legði Víking á odda, tá 27 minuttir vóru farnir av fyrra hálvleiki. Ein minutt sein­ni økti Kaj Leo í Bartalstovu til 2-0, og fýra minuttir seinni skor­aði Finnur Justinussen til 3-0. Finn­ur Justinussen økti til 4-0, tá 12 minutt­ir vóru farnir av seinna hálv­leiki.
Steffan Kalsø fekk tó bjargað eitt sindur av æruni hjá KÌ við tveimum mál­um í seinna hálvleiki, so tapið gjørd­ist 2-4. Sera javnt er millum KÍ, 07 Vestur og TB í oddinum.
Í Streymnesi var eykaliðið hjá EB/Streymi í hálvleikinum á odda 3-1 ímóti teimum bestu hjá 07 Vest­ur, sum í 2. hálvleiki svaraði aftur, so úrslitið gjørdist 3-3.
Í annaðkvøld skal EB/Streymur spæla steypafinalu í Klaksvík, og tí sigur tað seg sjálvt, at ongir av Voda­­fone­spælarunum vóru við í kvøld.
Í gjárkvøldið tapti TB 2-1 í Gunda­dali ímóti teimum næstbestu hjá HB.

Úrslit
4. august
HB-TB 2-1 (1-1)
0-1: Rógvi Joensen 14.
1-1: Bárður Mortansson br 38.
2-1: Bárður Mortansson 48.

5. august
EB/Str.-07 Vestur 3-3 (3-1)
1-0: Arnar Dam 18.
2-0: Jens Michael Jensen 24.
2-1: Johan Ejvind Mouritsen 36.
3-1: Teitur Joensen 45.
3-2: Johan Ejvind Mouritsen 55.
3-3: Tór-Ingar Akselsen 81.

KÍ-Víkingur 2-4 (0-3)
0-1: Dánjal Pauli Lervig 28.
0-2: Kaj Leo í Bartalsstovu 29.
0-3: Finnur Justinussen 32.
0-4: Finnur Justinussen 57.
1-4: Steffan Kalsø 58.
2-4: Steffan Kalsø 73.

7. august
AB-FC Hoyvík

8. august
HB-NSÍ
TB-B68

Støðan
KÍ 31
07 Vestur 30
TB 29
Víkingur 25
HB 25
EB/Streymur 23
AB 19
NSÍ 18
FC Hoyvík 14
B68 2

AB, NSÍ, FC Hoyvík og B68 hava spælt 15 dystir, og hini liðini hava spælt 16 dystir