Aldan var stór vestan fyri í gjár, og ógvusligur sjógangur var inn eftir Sørvágsfirði, har Niðarivegur partvís lá undir í sjógvi, tá fyllingar komu.
Í dag hevur Sørvágs kommuna eina áheitan á allar bátaeigarar um at ansa sær, um siglt verður út og inn í bátahylinum í bygdini.
- Í samband við illveðrið og nógva sjógangin í gjár, duttu steinar burtur úr brimgarðinum við innsiglingina til bátahylin, sigur kommunan.
Í gjár heitti Sørvágs kommuna eisini á fólk um ikki at koyra - ei heldur at ganga - á Niðaravegi í Sørvági, har sjógvur legði upp um, tá fyllingar komu.
