Stefan Radosavljevic og liðfelagarnir í Sligo Rovers spældu í kvøld dyst móti gamla liðnum hjá Sonna Ragnari Nattestad, Dundalk á útivølli í bestu írsku fótbóltsdeildini.
Tað gekk framúr hjá Sligo, ið vann stórsigur 5-0. Longu tá 39 minuttir vóru leiktir var Sligo á odda 4-0. Tá ein tími var leiktur staðfesti Sligo stórsigurin.
Stefan kom á vøllin tá 19 minuttir vóru eftir av vanligu leiktíðini. Talan er um fyrstu minuttirnar hjá Stefani á vøllinum hetta kappingarárið.
Sligo er nummar fimm í deildini við fimm stigum fyri fýra dystir.
Komandi leygarkvøld tekur Sligo móti Shamrock Rovers á heimavølli.
