GRØNLAND. Ein av stovnarunum av tí borgarliga grønlendska flokkinum, Atassut, varð seinasta vikuskiftið tveittur úr flokkinum.
Otto Stenholdt hevur seinasta tvey árini funnist harðliga at Ellen Kristensen, sum umboðar flokkin í Fólkatinginum, og hetta varð ovboðið hjá einum meiriluta í flokkinum.
Ellen Kristensen vann á júst Otto Stenholdt, tá seinasta fólkatingsval var, og hon hevði undan floksfundinum hjá Atassut kravt, at Stenholdt varð rikin úr flokkinum. Og á hesum floksfundi valdi flokkurin at standa aftanfyri Ellen Kristensen og Stenholdt varð biðin um at fara úr flokkinum.
Ellen Kristensen verður nú mettur sum upplagdi kandidaturin til at yvirtaka formanssessin í flokkinum, tá núverandi formaðurin, Daniel Skifte, fer frá á komandi landsfundinum.
