Charles kongur av Stórabretlandi hevur verið fongdur við krabbasjúku í átta mánaðir.
Nú kongshjúnini skulu á almenna vitjan í Avstralia, verður ein steðgur í krabbameinsviðgerðini, sum kongur hevur fingið í hesum tíðarskeiði.
Hjúnini skulu verða burtur í 11 dagar, og fleiri útlendskir miðlar vita at siga, at í hesum tíðarskeiði verður steðgur í viðgerðini.
Læknarnir hava góðkent, at Charles kongur verður viðgjørdur fram til fráferðina, og at ein steðgur síðan verður í viðgerðini, meðan hjúnini eru í Avstralia.
Sambært Daily Mail er tíðarætlanin fyri vitjanina hjá Charles og Camillu í Avstralia løgd til rættis samsvarandi heilsuni hjá kongi, og lækni verður eisini við á ferðini.
Kongshjúnini fara at vitja býirnar, Sydney og Canberra, áðrenn tey fara at vitja oynna, Samoa.
Á Samoa verður Charles kongur hjástaddur undir einum sonevndum CHOGM-toppfundi fyri stjórnarleiðarar og aðrar leiðarar fyri samveldisstjórnir.
