110 mánaðarlønir fyri gott og væl 2,7 milliónir krónur. Tað er upphæddin, sum Mentanargrunnur Landsins hevur latið fólki til listarligt og mentanarligt arbeiði.
Endamálið hjá Mentanargrunni Landsins er at styðja starv fyri føroyskum máli, bókmentum, list, vísindum og øðrum mentanarmálum hjá leikum og lærdum.
Løgtingið samtykti í 2000, at grunnurin skal serliga stuðlka tiltøkum og verkætlanum, sum kveikja og menna føroyska myndlist, tónlist, bókmentir, sjónleik og aðra list, sum kann javnmetast við hesar listagreinarnar.
Við starvslønunum fáa listafólk og onnur, sum takast við mentanarligt virksemi, arbeiðsnáðir í eitt ávíst tíðarskeið at starvast burtur av við listarligum ella øðrum mentanarligum arbeiði.
Starvslønir fyri 2011 eru latnar 31 umsøkjarum í alt. Tilsamans vóru 98 umsøkjarar, sum søktu um starvsløn fyri góðar 38 milliónir krónur.
Stimbra mentanarlívið
Carl Jóhan Jensen, rithøvundur, og Elsa Maria Bærentsen, dansilærar, fáa serliga góðar umstøður at arbeiða við sínum verkætlanum. Tey fáa starvsløn í 12 mánaðir.
Bárður Oskarsson, listamaður, Sámal Soll, rithøvundur, og Ole Wich, listamaður, fáa starvsløn í seks mánaðir.
Eingin fekk trý ár
Mentanargrunnur Landsins hevur gjørt av ikki at lata eina trý ára starvsløn í ár, sum vanligt hevur verið seinastu árini. Avgerðin er grunda á tær mongu dygdarumsóknirnar, har søkt var um at fáa starvsløn í styttri tíðarskeið. Nevndin hevur heldur játta fleiri av hesum umsøkjarunum starvsløn, og rúm var ikki fyri at játta eina trý ára starvsløn í ár.
Tróndur Bogason fekk játta trý ára starvsløn í fjør.
TEY, SUM HAVA FINGIÐ STARVSLØN Í 2011, ERU:
Carl Jóhan Jensen 12 mánaðir
Elsa Maria Bærentsen 12 mánaðir
Bárður Oskarsson 6 mánaðir
Ole Wich 6 mánaðir
Sámal Soll 6 mánaðir
Marianne Clausen 4 mánaðir
Niclas Heri Jákupsson 4 mánaðir
Aggi Á. Ásgeirsdóttir 3 mánaðir
Anker Mortensen 3 mánaðir
Búi Egason Dam 3 mánaðir
Daniella Andreasen 3 mánaðir
Hanni Bjartalíð 3 mánaðir
Hanus G. Johansen 3 mánaðir
Katrina í Geil 3 mánaðir
Kristina Sundar Hansen 3 mánaðir
Ludvík Breckmann 3 mánaðir
Vígdis Hentze Olsen 3 mánaðir
Sakaris Fríði Stórá 3 mánaðir
Páll Nolsøe 3 mánaðir
Bárður Jákupsson 2 mánaðir
Dánial Hoydal 2 mánaðir
Edvard Nyholm Debess 2 mánaðir
Eyðun Nolsøe 2 mánaðir
Gunnar G. Guttesen 2 mánaðir
Hans Tórgarð 2 mánaðir
Jóhanna av Steinum 2 mánaðir
Katrin Ottarsdóttir 2 mánaðir
Martin Joensen 2 mánaðir
Sigri M. Gaïni 2 mánaðir
Sissal Kampmann 2 mánaðir
Stanley Samuelsen 2 mánaðir
