Fitt av fólkið var komið saman at hoyra Stanley Samuelsen, saman við vinmonnum framføra í miðlahúsinum mikukvøldið. Sjálvur hevði eg eisini leita mær oman fyri at hoyra hendan einastandandi guitarspælari og trobadour framføra, og var vitjanin í Miðlahúsinum tað verd.
Vit sum møttu har fingu eina tónleikarliga uppliving í serklassa.
Hóast publikummið var nakað tamt í byrjanini - sum føroyingar vanliga eru - so gekk ikki long tíð, til Stanley og hansara kúllar høvdu bergtikið okkum øll.
Tann sera góða songrøddin, góða guitarspæli saman við trummum og góðum bassspælið fylti hvønn krók og okkum við.
Ein merkti og hoyrdi at Stanley livir og brennir fyri tónleikinum, og framførslan var full av følilsum fyri Føroyum, nátturuni, til lívinum.
Sangir sum:
Sólin ber við fulgasong
Kærleikur til móðurjørð,
Fyld mine Sejl
Morgendagens Lys
Horvin Kvøldmynd
Saman við fleiri av hansara songperlum frá fyrru útgávum hansara, gjørdi framførsluna til ein góða uppliving fyri okkum sum lýddu á.
Tykkum, sum ikki vóru og lýddu á, vil eg mæla til at keypa fløguna Sól og regn, - hon er verd at keypa.
Stanley segði einafer at Beatles er eisini mentan. Eg vil venda hansara egnu orðum til hann sjálvan, - Stanley er mentan tað er vist.
At enda vil eg hervið siga Stanley og Kúllunum takk fyri eina góða framførslu og blíður byrður ynskist tykkum.
Heilsan
Johan Dahl
