Trubadururin Stanley Samuelsen, ið er ættaður úr Fuglafirði, letur í hesum døgum út fløguna 'Stanley LIVE' við upptøkum frá fyrstu solokonsertini hann spældi í Føroyum, sum var í Norðurlandahúsinum í desember 1996.
Á fløguni hevur Stanley smíðað løg til 11 yrkingar hjá fleiri av teimum størstu skøldunum Føroyar hevur fostrað. Átta av sangunum eru at finna á einari av teimum fýra solofløgum Stanley hevur latið út frammanundan. Trý av løgunum eru ikki útgivin áður.
Hendan útgávan tykist vera ein uppsamling av teimum bestu sangunum, og kundi tað sama itið ' Tað besta ', men við at upptøkurnar eru live, og nakað av práti er millum sangirnar, fær áhoyrarin veruliga eina góða kenslu av at verða til konsert við útisetanum. Tað er plátufelagið Tutl, sum er útgevari.
Á fløguni eru 11 sangir:
1. Syngjandi fuglur. Poul F. Jonsen/Stanley Samuelsen
2. Hækkandi sól. Olivar á Ryggi/Stanley Samuelsen
3. Høgur hímin. Rikard Long /Stanley Samuelsen
4. Um eg kundi kvøðið. JHO Djurhuus/Stanley Samuelsen
5. Arma hjarta. Rasmus Effersøe/Stanley Samuelsen
6. Har skínur sól. Hans A. Djurhuus/Stanley Samuelsen
7. Ljós og gleði. Hans A. Djurhuus/Stanley Samuelsen
8. The water is wide. Trad.
9. Atlantis. JHO Djurhuus /Stanley Samuelsen
10. Síðsti geirfuglur. Hans A. Djurhuus/Stanley Samuelsen
11. Allar ættir tiga. Jacob Dahl/Stanley Samuelsen
Hesum boðar Tutl frá í dag.
