Predrag Stankovic er nú aftur knýttur at hópinum hjá FC Hoyvík. Serbiski málverjin vardi málið hjá hoyvíkingum, sum tapti 1-4 móti TB á Sevmýru leygardagin.
Predrag Stankovic skifti úr FC Hoyvík til 07 Vestur undan kappingarárinum í ár. Aftaná fyrru kappingarhálvur stóð hann í skugganum á Hans Jørgensen. Tí valdu Stankovic og felagið at gevast við samstarvinum.
Predrag Stankovic kom til Føroya í 2007. Fyrstu tvey árini vardi hann málið hjá næstbesta liðnum hjá NSÍ, og í fjør spældi hann við FC Hoyvík.
