Símun Nónklett hevur við góðari hjálp frá øðrum gjørt eina standmynd av "Seyðamanni við hundi", sum er sett upp millum Ytra Vatn og Innara Vatn við Toftavatn í Eysturoynni.
Ein gøta er gjørd runt Innara Vatn frá skúlanum við Løkin í Runavík og niðan á Svangaskarð á Toftum, sum nógv fólk dagliga hava gleði av at ganga eftir, og standmyndin er eitt vakurt ískoyti á hesum túri. Seyðamaðurin hyggur niðan undir hamaran eftir horvnari ær og hundurin stendur við lið hansara.
Standmyndin minnir okkum á arbeiðið hjá seyðamanninum, sum ofta er einsamallur, og samspælið millum náttúruna og menniskja. Standmyndin er stoypt úr betong.
(innsent)
