Men tað, sum higartil er komið úr tingbólkinum hjá Javnaðarflokkinum ber ikki boð um, at flokkurin ætlar at vaksa. Tað er hinvegin beinleiðis fordummandi at hoyra tveir teir elstu í fjølmiðlunum, har teir stinga hvønn annan – og serliga formannin í ryggin.
Eftir valið vóru tað serliga tvey orð, sum fólk høvdu á munni:
»Stakkals Aksel...«
Hvussu í allari víðu verð skal ein nýggjur formaður fóta sær í einum flokki, sum er so nógv merktur av vargum, sum Javnaðarflokkurin er. At hann er settur út í myrkrið er heldur ikki so løgið, tí hvat skal man brúka ein slíkan samstarvsflokk til, sum ikki ein gong kárar at skipa neyðarsligu tingmanningina í tingnevndirnar?
Tað líkist meiri eini niðurbræðingarprosess, sum gomlu gubbarnir í Javnaðarflokkinum eru farnir í holtur við.
