Landsstýrismaðurin í mentamálum, Bjørn Kalsø, hevur valt limir í Staðarnavnanevndina fyri tíðarskeiðið 1. januar 2015 til 31. desember 2019:
- Eivind Weyhe, lektari emeritus, mag. art. í føroyskum máli - eftir tilmæli frá stýrinum fyri Fróðskaparsetur Føroya
- Anfinnur Johansen, lektari mag.art. - eftir tilmæli frá stýrinum fyri Fróðskaparsetur Føroya
- Lena Reinert, granskingarhjálpari, bachelor í føroyskum máli við staðarnøvnum sum starvsøki - eftir tilmæli frá stýrinum fyri Fróðskaparsetur Føroya
- Kristin Magnussen, mag. art – eftir tilmæli frá Málráðnum
- Stein Fossá, deildarleiðari fyri kort og skráir – eftir tilmæli frá Umhvørvisstovuni
Nevndin skipar seg sjálv við formanni, sum skal vera eitt av umboðunum frá stýrinum fyri Fróðskaparsetur Føroya.
Staðarnavnanevndin umsitur løggilding av staðarnøvnum og hevur avgerðarrætt í hesum sambandi. Uppgávurnar hjá nevndini fevna m.a. um áseting av formi og stavseting av staðarnøvnum í almennari nýtslu, eitt nú á kortum, skeltum og í skúlabókum.
Staðarnavnanevndini virkar sbrt. reglugerð frá 6. juli 2010.
Mentamálaráðið, 23.12.2014
