Kommunumál
Fuglafjarðar kommuna hevur serliga sett ljóskastran á trý mál seinastu 2-3 árini. Størstu íløgurnar eru í hesum tíðarskeiði farnar til havnalagið, útstykkingar og til skúlan ? stívliga 2 milj. krónur til hvørt av hesum málum. Íløgukarmurin hjá kommununi er umleið 6,5 milj. kr. og kann í besta føri vera 7,5 milj. kr.
Støðug útbygging
Sigurd Simonsen, býráðsformaður í Fuglafirði, sigur, at skúlin er undir støðugari útbygging. Hetta er triðja árið á rað, at skúlin verður útbygdur.
- Vit hava bygt ein 700 fermetra stóran bygning í tveimum hæddum á skúlaplássinum niðanfyri skúlan. Hesin parturin er bara ætlaður til ymiskar serstovur, sigur hann.
Vanligar stovur
Býráðsformaðurin vísir á, at longu nú er skúlin í uppisetri við vanligar skúlastovur, og tí verður neyðugt at halda fram við einum bygningi aftrat til vanligar skúlastovur.
- Vit hava gjørt eina ætlan um, hvussu skúlin í Fuglafirði skal útbyggjast. Henda ætlan røkkur yvir eini 15 ár, og vit miðja eftir at brúka einar 3 milj. krónur um árið til skúlan, sigur Sigurd Simonsen.
