ferðahagtøl
tíðindaskriv
Tilsamans 10.069 ferðafólk fóru og komu um Vága Floghavn í januar mánaða í ár. Hetta er fyrstu ferð nakrantíð, at ferðafólkatalið fer upp um 10.000 í januar mánaða. Í januar í fjør var talið 9. 279. Talan er sostatt um ein vøkstur í ár uppá 8,5%. Vøksturin er serliga á Danmarkar farleiðunum, meðaníslands- og Bretlands farleiðirnar framvegis hava afturgongd.
Operatiónirnar, tvs. fráferðir og komur, eru í januar merktar av eini minking uppá íalt 9,3%. Tær fóru frá 366 niður á 332 í januar í ár.
Sambært uppgerðum frá flutningsfelagnum er nøgdin av farmi og posti loftvegis minkað munandi í januar í ár. Flogposturin er minkaður 34,3% til 32,1 tons og flogfarmurin annars heili 39,0% til 20,9 tons.
