Sera nógv atgongumerki eru seld í forsølu til stóra Uriah Heep kvøldið við John Lawton og Deiggj.
Væntandi verður útselt til konsertina í kvøld og tað merkir umleið 900 fólk.
Fyrireikingarnar og venjingarnar til konsertina hava verið nógvar og fyrrakvøldið varð sett hol á fyrstu ljóðroyndina í Norðurlandahúsinum. John Lawton lendi í gjár og beinanvegin var farið undir endiliga venjingarnar saman við Deiggj og kórdamunum í bólkinum Divaz, sum syngja við á fleiri løgum. Á skránni eru - umframt tey stóru Uriah Heep hittini - eisini nøkur løg sum Lawton og Deiggj ikki hava framført fyrr saman.
Konsertin byrjar við , at Dennis Lave, sum er ein av sangarunum í Deiggj, syngur nøkur løg saman við bólkinum, síðan kemur John Lawton á pallin og so koyrir konsertin út í eitt við fullari ferð. Dyrnar lata upp longu kl.21.00 og konsertin byrjar kl. 21.45 , Tað er møguleiki at hugna sær áðrenn konsertina, og at keypa sær ein betri bita og okkurt leskandi afturvið.
