Tiltak
Á grækarismessu í ár eru liðin 25 ár, síðan Føroya Náttúru-og Umhvørvisverndarfelag (FNU) varð stovnað í Kirkjubø.
Dagurin fer ikki aftur við borðinum uttan, at gjørt verður burtur úr honum.
Leygardagin, 12. mars klokkan 17, fer felagið nevniliga at
skipa fyri stórum tiltaki í Læraraskúlahøllini ? við fyrilestrum, pallborðsfundi, tónleiki og drekkamunni.
Tað verður formaðurin í FNU, Erling Simonsen, sum fer at bjóða vælkomin, og síðan fer Hanus Vang at siga eitt sindur um søgu felagsins.
Síðan verða fleiri áhugaverdir fyrilestrar á skránni, sum eitt nú fara at snúgva seg um orku, búskap, arbeiðsumhvørvi, framtíðarætlanir og náttúruvernd.
Eftir fyrilestrarnar, verður pallborðsorðaskifti við fleiri áhugaverdum luttakarum ? bæði politikarum og vinnulívsfólki.
Tað verður Jógvan Arge, útvarpsmaður, sum kemur at stjórna almenna fundinum hjá Føroya Náttúru-og Umhvørvisverndarfelag.
