Síðani hetta havnalagið varð tikið í brúk, hevur verið eitt óført virksemi á hesum staði. Hetta er ikki minst eftir at býráðið umskipaði nevndirnar, soleiðis at ein fekk eina serstaka Havna- og Vinnunevnd.
Henda nevndin legði til brots við góðari hjálp at menna alt tað vinnuliga virksemið í býnum, millum annað við at fáa fleiri skip til bryggju – og ikki minst ferðamannaskip.
Hetta hevur longu givið úrslit, og í summar kemur størsta ferðamannaskipið sum nakrantíð hevur lagt at í Klaksvík. Hetta kemur ikki færri enn tvær ferðir á Norðhavnina í summar.
Hinvegin er greitt, at arbeiðið hjá Havna- og Vinnunevndini hevur eisini borið úrslit við sær næsta ár. Eftir tí sum formaðurin í nevndini vísir á, er longur greitt, at níggju ferðamannaskip koma til Klaksvíkar í 2013.
Sagt verður av skilamonnum, at Norðhavnin liggur sera væl fyri, tá talan er um veðurlíkindi. Og hetta hevur helst eisini gjørt sítt, at tað mangan hevur verið trongligt í Ánunum – og soleiðis verður vónandi eisini í framtíðini.
317 metrar
Norðhavnin er íalt 317 metrar long, og er dýpdin 12 metrar.
Her er ein 30 metrar breið ro-ro rampa.
Eitt av skipunum sum vitjar her í summar fer at hava brúk fyri øllum teimum 317 metrunum.
