– Okkara lesarar hava verið sera glaðir fyri Vikuskifti, sum er í blaðnum fríggjadagar, og nú hava vit valt at gera Vikuskifti enn størri og enn betri, sigur Eirikur Lindenskov, ábyrgdarblaðstjóri á Sosialinum.
- Fólki dámar væl at lesa bløð um vikuskiftini, og tí vilja vit geva okkara lesarum eitt enn betri vikuskiftisblað, sigur hann.
Tað er hálvt annað ár síðani, at Sosialurin fór undir nýggja Vikuskifti, og blaðið, sum hevur verið 24 síður til støddar seinastu tíðina, veksur nú við átta síðum. Blaðið bjóðar samrøður, undirhald, góð ráð, kappingar, bakgrund og mangt annað.
Sosialurin fer nú eisini at bjóða eitt serligt vikuskiftishald til sínar lesarar. Tað vil siga, at fólk kunnu tekna seg sum haldara av vikuskiftis-Sosialunum og fáa blaðið borið til dyrnar hvønn fríggjadag.
