Londini í syðra parti av Afrika eiga at herða trýstið á stýrið hjá zimbabwiska forsetanum, Robert Mugabe, um sleppast skal undan áganginum ímóti teirri politisku andstøðuni í landinum. Tað segði danski uttanríkisráðharrin, Per Stig Møller, tá hann í gjár hitti umboð fyri størsta andstøðuflokkin í Zimbabwe, MDC. Á fundinum segði hann seg vera sera misnøgdan við, at Mugabe fer at stilla upp til næsta forsetaval, tí Evropa hevði fingið lyfti um, at hann fór at gevast í politikki.
