Kringvarp Føroya: Stýrið fyri Kringvarp Føroya aftrar seg við at fara upp í málið um ætlanina at siga tíðindaleiðaran úr starvi. Ein grundgeving er, at starvsfólkamál hoyra undir stjóranum og ikki stýrinum, og haraftrat er stýrið kærumyndugleiki.
Men starvsfólkini á tíðindadeildini skulu fáa fundin, sum tey hava biðið um, sigur Rúni Heinesen, formaður í stýrinum.
Tíðindafólkini bóðu um at fáa henda fund í morgin, men fundurin kann vegna forfall, og tí fólk eru burturstødd, ikki verða fyrr enn seint í næstu viku, sigur Rúni Heinesen.
- Men vit hava sjálvandi ta yvirskipaðu ábyrgdina av stovninum og vilja hava, at stovnurin virka,r sigur Rúni Heinesen.
