Tað er óvist, hvussu tað verður við Skálafjarðatunlinum. Einkarætturin hjá P/F Skálafjarðartunlinum gongur út um eina viku ? 1. desember.
Tummas Eliasen, stjóri í LÍV, sum eigur helmingin av verkætlanini, sigur, at hann fær einki gjørt, nú Eik Grunnurin, sum eigur hina helvitina av P/F Skálafjarðatunlinum, hongur í leysari luft.
- Vit fáa einki gjørt næstu vikuna. Vit noyðast at bíða og síggja, hvør niðurstøðan verður. Vit ætla framvegis at koma á mál við verkætlanini, sigur Tummas Eliasen.
Annika Olsen, landsstýriskvinna í Innlendismálum, sigur, at landsstýrið er eisini í bíðustøðu.
- Tað er trupult at gera viðmerkingar, áðrenn vit vita við vissu, hvar Eik-banki fer, sigur hon.
