Seinastu tveir dystirnir í 31. umfari í Premier League vóru í gjár. West Bromwich vann heili 3-0 á Southampton, og hevur enn eina lítla vón um at yvirliva, meðan Everton spældi sær av við týðandi stigi Champions League stríðnum. Teir spældu málleysan javnleik móti Brighton.
Úrslitini um vikuskiftið gera, at tað er stór kapping um tvey av Champions League plássunum. Manchester City, sum tapti óvæntað fyri Leeds, ið enntá fekk ein spælara útvístan í fyrra hálvleiki, verður meistari. Manchester United vann 3-1 á Tottenham og hevur so gott sum tryggjað sær annað plássið.
Leicester tapti 3-2 á útivølli móti West Ham, sum púra óvæntað er við í stríðnum um atgongumerkini til Champions League komandi kappingarár. Bæði Chelsea og Liverpool vunnu sínar dystir og ætlar sær somuleiðis í Champions League til komandi kappingarár.
Nú hevur Leicester 56 stig á triðja plássi, og tað eru fýra stig og fýra pláss niður til Liverpool. Tí bendir alt á, at tað verður ein dystur millum Leicester, West Ham, Chelsea og Liverpool, um at enda í topp fýra.
Í botnstríðnum vann Newcastle týðandi sigur á útivølli móti Burnley. Tað er sum altíð kaos rundanum felagið, men við sigrinum eru nú fýra stig niður til Fulham, ið liggur undir niðurflytingarstrikuni.
| 1 | Man City | 32 | 23 | 5 | 4 | 67:23 | 74 |
| 2 | Man United | 31 | 18 | 9 | 4 | 61:34 | 63 |
| 3 | Leicester | 31 | 17 | 5 | 9 | 55:37 | 56 |
| 4 | West Ham | 31 | 16 | 7 | 8 | 51:39 | 55 |
| 5 | Chelsea | 31 | 15 | 9 | 7 | 50:31 | 54 |
| 6 | Liverpool | 31 | 15 | 7 | 9 | 53:37 | 52 |
| 7 | Tottenham | 31 | 14 | 7 | 10 | 52:35 | 49 |
| 8 | Everton | 30 | 14 | 6 | 10 | 41:38 | 48 |
| 9 | Arsenal | 31 | 13 | 6 | 12 | 43:35 | 45 |
| 10 | Leeds United | 31 | 14 | 3 | 14 | 49:49 | 45 |
| 11 | Aston Villa | 30 | 13 | 5 | 12 | 43:33 | 44 |
| 12 | Wolves | 31 | 10 | 8 | 13 | 31:41 | 38 |
| 13 | Crystal Palace | 31 | 10 | 8 | 13 | 33:52 | 38 |
| 14 | Southampton | 31 | 10 | 6 | 15 | 39:56 | 36 |
| 15 | Brighton | 31 | 7 | 12 | 12 | 33:38 | 33 |
| 16 | Burnley | 31 | 8 | 9 | 14 | 25:42 | 33 |
| 17 | Newcastle | 31 | 8 | 8 | 15 | 32:51 | 32 |
| 18 | Fulham | 32 | 5 | 11 | 16 | 24:42 | 26 |
| 19 | WBA | 31 | 5 | 9 | 17 | 28:59 | 24 |
| 20 | Sheffield Utd | 31 | 4 | 2 | 25 | 17:55 | 14 |
